AONO PULU NGANA PALU DOPA NOSINTOMU TOTUARA

  • Whatsapp

Reporter: Firmansyah Lawawi
KAPALA DINAS Pombordayaan Porompuan bo Porlindungan Anak Palu, Irmayanti.Petalolo
netevaika, deana Aono pulu ngana kodi nambela lingu, Tsunami ante tana noenju,
dopa notingguli ante totuara.
‘’Sampe tempona hie, kami dau noselidiki urusa ngana dopa nosintomu ante
totuara pura. Eva nangelo bo nanggita riumba puramo libora natuvu ri ngata
ntanina, ” niuli i Irmayanti, Salasa (18/12/2018) ri ruangana.

Ri tempona naliu, geira hau nosintomu ka pamarenta
Sulsel ante ngata Makassar, nikaika kareba ri Sosmed, nadea ngana dako ri Palu
hau nalai ri ngata hai. ” Haumo kami nanggita ri Kabupaten Sulsel, sampe
riara ngata Makasar. Deanapa ngana dako ri Palu nonturo ante sampe suvura
mboto. Batuana ledo naria ngana nipatuvu tona ntanina, ato naturu ante tona
ledo sampesuvura, ” pangulina.

Data hai muni nikava dako Palang Merah Indonesia,
yayasan ato suro nourusi urusa ngana bo mombine, ante pangadu dako todea riara
ngata.

Nikaika ka urusa mompotodoyoka ngana kodi, ante
moboba. Irmayanti nangulika geira nosijaritamo ante kocamatan bo kolurahan
naria libo pongungsina. Ala mojagai kaamana geira nonturo riara tenda. ”
Nokoordinasimo kami ante kocamatan bo kolurahan. Ala mompaka tuvu vai karja K5
riara mojagai kaamana ngana riara tenda, ri libora mboto, ” nitevaikana.

Santanina muni nitambaina, geira muni
nosisialisasi ante noputara vidio, naisika berimba carana ala ngana ledo
rapotodoyaka tona ri tenda topo ngungsi ri ngata Palu.

Ri sabinggana hai, Dinas Pombordayaan Porompuan bo
Porlindungan Anak, nanggavia haja Trauma Healing. Norambanga ante doktere bo
relawan ntanina, hau ri tenda pongungsi, riara mompaka belo jiwara naupu
nambela bala.

Sakuya haja ntanina muni niuli i Irmayanti
nikavia. Eva nanggavia pomote nu ngana ri libo pongungsian. ” Riara
mimpatora eo tina mombine sakuya eo naliu. Kami nanggavia pomore ri posko
pongungsi. Eva ri lapanga Galara ante posko Komodo, ” pangakuna.

Nitambaina muni, geira nanggavia lomba kagali ri
libo topo ngungsi,  ri ovalu kocamatan
ngata Palu. Najuara sangu, posko dako ri Lere. ” Ledo aga juara sangu
nidekeika hadia. Tapi juara karanduaka bo katatalukana muni nidekei. Naisika
doi, ” nimpatutui jaritana.
**

Pos terkait

banner 580x60