Ledo Namala Moadopsi Ngana Ri Pasigala

  • Whatsapp

Reporter:
Firmansyah Lawawi
NOWAKELEKA Komenterian Sosial RI, Direktur Rehabilitasi
notevaika, ledo namala nangala, ato nopatuvu ngana namatemo totuara ri kajadia
lingu, Tsunami bo tana noenju ri Pasigala.
Panggava
i Nahar, anu hai notuntumaka sura dako ri Komenterian. Santanina muni sampe
ledo nidekei ngana raala, niposabaka nemo sampe manavu ri pale tona nadoyo,
ante dopa nisani totuarada natuvu ato namatemo.

‘’Ane maria tona nangaku, nopatuvu ngana dako ri
Pasigala, natantumo anu hai ledo nakana, ato nerumpa hukum. Apa dopa ria
pangadu dako ri Dinas Sosial nikaika urusa hai, ” panguli i Nahar.
Dako ri deana 118 ngana ri Pasigala, dopa
nosintomu ato nokumpulumo ante sarara naupu lingu, Tsunami bo tana noenju. Talu
pulu namalamo nipotinggulikamo ante totua bo sampevura.

Notevaika tempo nu transisi maupumo ri tanggala 25
Desember ngena, i Nahar nangulika Komenterian moevaluasi vai urusara
nompatangani ngana ri Pasigala. ” Ri bula Maret 2019 ngena, kami moevalusi
vai urusa ngana ri Sulteng, da kami mo urusina, ato namalamo radekeika
pamarenta ri si, ” pangakuna.

Niperapikana, ane maria metekita ngana nipatuvu
ledo totuara, ato sampesuvura mboto, ala magasi ra lapor ka pamarenta ngata,
ato polisi. ” ku perapika, ane maria rakava miu tona nangala ngana,
masasinta ra lapor,
’’
petevaikana.
Mpawakeleka Kemensos RI, i Nahar muni nerapika ka
media ri ngata Palu, ala mangulika ka pamarenta, belekana maria rakava kasus
topo ngala ngana ri Pasigala. Ato motalipo lomoro layanan sosial ngana 15004771
ante Sekbar porlindungan ngana 0877
1150 0771.**

Pos terkait

banner 468x60