Palu,- RIARA RANGKA Mompatoleleka ngata Palu ri sambalikuna, Pamarinta nanggavia haja Pesona Palu Nomoni Randua. Anu hi nompamula dako ri tanggala 22 sampe 27 September 2017 makava. Haja mbaso hi rakakavaka Presiden RI tanggala 27 mpatutui acarana. Kareba hi niala dako ri Press Conference Eo Araba (30/8/2017) tinti 19.30 wita ri Atrium Mall Tatura Palu, nikakavaka Wali Kota Palu Drs Hidayat.M.si, Wakele Wali Kota Sigit Purnomo Said, Kadis Pondidikan ante Olahraga Palu DRS.Sumardi ante Panitia Event Orgasnizer (EO) Half Marathon.
Wali Kota Palu mpetevaikana nangulika Pesona Palu Nomoni ka Randuakana hi ledo nasimbayu ante Partama, naria nitambai item, eva pekan budaya III mbelana rakavia ri Jakarta, tapi nienju ri Palu. UKM Expo, Dialog nasional kasoluruna ada ri Indonesia, Panggung soni budaya Nusantara, Kampung Kaili, kagiata tambahan ntanina eva Lomba renang mpavote tasi teluk Palu, Fun Bike Marathon, nosilumba sakaya, Adventure ante nadea ngayana.
Hidayat muni mpatambaika, ka Half Marathon mpae hi nidukumpu, ledo aga dako ri dana Pemda, tapu niduku muni Otoritas Jasa Keuangan (OJK) ante sponsor ntanina. Anu nggaulu nasala paha niposabaka ledo naria dana, ” Nitevaikumo nemo ra kavia, tapi naria nasala popaha, kaupuna nasala mpangepemo” tapi ka mpae hi ku pastikan domo eva ngaauluna, ” Ka dialog nasional(rembuk nasional) radekeika presiden haselena, ” Kamai kita mpabuktikan ngata Palu macoco rauli mutiara ri Khatulistiwa” pangulina.
Ri tempo nasimbayu muni i Wakele Walikota Sigit Purnomo Said nangulika ka.Pesona Palu Nomoni, pekan budaya ante Half Marathon. Ka half Maraton deana hadia Saratus bo Ampa jutana ante modali, topo daftar nariamo 650 tona deana. Ka UKM kodi eva topo balu kandea, anu ra inu, topo doka nte ntanina, geira puramo hai ratujuka ka kagiata hi. Dako data lapanga mpae naliu, panggavara saeo nakura nelabi Sangu jutana. ” Patujura topo gade kodi pura hai, rakavia nju Pesona Palu Namomi” petevaikana.
Reporter: Firmansyah
