Proyek Drainase Nalamba Nikarjaa

  • Whatsapp

PALU,- SAKUYA Proyek nanggavia drainase riara ngata kaili eva nalamba nikarjaa. Anu hai netekita ri Kelurahan Palupi, dala H. Hayun, HM. Thamrin, DR. Sutomo, I Gusti Ngurah Rai ante ri libu ntanina. Urusa hai muni nanggavia doyo ri mata todea bo pangantoaka ka topo saka proyek hai. Dopa vai material ra karjaa nompaka rumpu dala ante neganggu tonna noloiu ri proyek hai. Sala saito anggota Dekot Komisi C Armin ka Kaili Post nangulika domo masae tempona panggaupuna pokarja hai, damo naboli saminggu aga ri tanggala 20 Desember 2017. Nitambaina muni ri proyek mpae naliu, nagasi pokarjaana, aga randuua eo nariamo natekita haselena.

Tapi tempona hie eva nalambamo, “Sakuya eo hi nitatopo-tatopokumo ri sakuya libo proyek hai, tapi eva dopa ria topo karja nompataka drainase, samantara hai nadea anu rapataka aga niboliaka ri lokasi hai, sampe eo hie ledo nisaniku nuapa massalana sampe dopa ni karjai, kamungkina mbaso nakura bara oto bego rapake moanggataka anu rapataka ri keke, kupetevaika ka geira nanggenissi proyek hai ala monggave vai, niposabakana ane maliumo tempo pokarjaana, tapi dopa naupu rakavia maria dendana “ petevaikana.

Muat Lebih

Reporter : Firmansyah

Pos terkait

banner 580x60