Reporter : Firmansyah
KAILIPOST.COM,- PALU- KURANA Ruapulu tona nosangaka Partai Rakyat Demokratis (PRD) ante wakele dako ri Palu Utara nakava ri kantoro DPRD Palu riara mpatuntu pamarenta ala mompaka mpene gaji padat karya, motauraka ali-ali kabutuha pokok todea bo mantagi impor ase, Kamisi (8/3/2018). Sala saito wakele todea dako ri komisi B Moh Rum riara petevaikana ka topo demo nangulika pangadua hie kana ra tulisi. Apa kami muni pamulana dako ri todea muni. Peangga kami niposabaka komiu pura nompelisina. Apalagi urusa isi nutai ” pangadua miu kana ratarima kami le, tapi anu hie rapikirita muni mabelo, nipoto gaji padat karya hie naupumo nireke-reke pemkot ka deana anggaran, jadi kami neangga ante komiu pura hie le, apa kami muni dako ri todea pamulana ” pangulina.
Nasimbayu muni niulika anggota komisi C Rusman Ramli gaji padat karya nipoto naupumo ni pikirika pemkot berimba belona. Jadi mabelo cara kita mompikirina. Tapi riara tempona hie, nadeapa tona eva totua bo geira ledo napola posikolana mpaharap gaji padat karya ka katuvuara ” Pangadua miu hie ratarima kami pura, utamana nakura gaji padat karya le, kana raposijaritaka kami pura anggota dewan ” niulina.
BACA SELENGKAPNYA DI HARIAN KAILI POST…!
