Dinkes Palu Nantarima Oto Ambulans

  • Whatsapp

Sumber: Humas Pemkot Palu

DINAS Kesehatan Kota Palu nanggava bantua tatalu oto ambulans dako ri DPW Kementerian Energi dan Sumber Daya Mineral (ESDM) RI.

Muat Lebih

Ri doyata kantoro Walikota, eo Salasa (14/5/2019) tatalu oto hai nidekei langsung panaseha DWP KSDEM, Ratnawati Setiadi Jonan ka Wakele Walikota Palu, Sigit Purnomo Said anu niporoa Plt Kadinkes Palu, dr Husaima.

Panaseha DPW KESDM nanguli podekei tatalu ambulans hai batuana ompopagampa nu operasional ante motambai fasilitas kasehata naupu nambela lingu mbaso.

“Ambulans hi nisaromaka mamala mompobantu operasional pamarenta kota,” pangulina.

Samantara haitu, Sigit Purnomo Said, notarima kasi ntoto bo nontande belo ka ESDM apa nobantumo pamarenta kota.

“Nasikuru ntoto kami nanggava bantua hi. Apa ambulans hi nakompelet, batuana oto hi namala mo rawa pasien rara ambulans. Nisanita mbotomo ruma saki ta na ni pakabelo, nagero ntamo nigoya nu lingu,” panguli Pasha.

Niulina muni ane naria 14 uni ambulans nu pamarenta kota Palu. Batuana maria mo 17 deana, apa nitambai vai tatalu.

“Perapi doa mabelo pura molayani todea, apa natetambai mo ambulans,” niulina.

Rancanana, ambulans hi ra operasika ri puskemas eva Puskesmas angurara kelurahan Duyu, Mabelo Pura kelurahan Tatura Selatan, ante Puskesmas Birobuli Utara.**

Pos terkait

banner 580x60