Reporter: Ikhsan Madjido
MANJOKO Ulang Tahun Bhayangkara ka 73, tanggala 1 Juli 2019 makava, Polda Sulawesi Tengah nanggavia bago operasi bivi nasubi ante pangare, eo Salasa (18/6/2019).
Operasi batuana nipakatantuka ko topakasi hi, sala sangu bakti social nikavia Polda Sulteng, ledo aga bedah rumah. Operasi hi nikavia rua eo saena ri Rumah Sakit Bhayangkara Palu.
“Bago nevali apa naria karajasama Biddokkes Polda Sulteng bo Rumah Sakit Bhayangkara Palu,” panguli Kapolda Sulteng, Brigjenpol Lukman Wahyu Hariyanto.
Niuli lukman, bago bakti sosial hai batuana najadi pongabdia nu Polri ka todea. Ri tempo HUT Bhayangkara, nisaromakana todea mamala ma te bantu belo.
Sabarna na maria talupu bo uvalu tosubi naterdaftar. Tapi aga rua pulu bo randua namala ra operasi. Geira labina hi damo mpae makava ra operasi. Tosubi 22 hai nioperasi apa nomponuhi syarat kasehata.
“Geira sapulu hai ra rawat pakabelo ruru, Insya Allah mpae makava mamala mo mangoseaka operasi,” tesana.
Lukman notesa, 22 pasien hai sapulu ampa ngana no umuru tatalu sampe pata mpae. Labina naria aono totua, naria muni totua nu pasien nioperasi pangare na. Ledo aga todea ri Palu nangoseaka po operasi na gratis hai.
Todea dako ri Tolitoli, Sigi, Donggala maupa Luwuk Banggai nakava muni nantutumaka operasi. Naupu nioperasi, tosubi ni popatutu lima eo saena ri Rumah Sakit Bhayangkara.**
