Ngata Palu,- Oto Avanza DD 1470 VU nikeni LA Mahasiswa (23 thn) naturu ri Hotel Grand Duta nosisenggi ante Oto Avanza muni DN 1917 NB nistir ABD H Kusaiyeng (55 thn) nonturo ri dala Veteran Lrg.Kalu Dasa Tanamodindi eo Senin (24/7/2017) jam 13.00 ri dala Patimura Kel.Lolu Selatan (Maesa) niduga Topangangga mbaso.
Dala nuteasana, ritempona Oto nikeni LA ante Ampa roana riarana AY, HZ ante RI nosisenggi ante Oto nikeni ABD H Kusaiyeng ri dala patimura ato ri ngayo Hotel patimura nangova hau ri Puluna, ri parampata antara dala Patimura ante dala Sulawesi hai negoli hau ri Kosolona, oto naisika Alima tona riarana hai nompegasi hau ne kase ri bivi nu tanggul karona. Dopa nakavao negoli ri bavo tanggul kira-kira 200 metere oto domo namala ni kandalikan, kaupuna norumpa pot bunga mbaso ri bivi karona naupu hai oto nateduliaka nanavu nesua ri binangga Palu.
Sala sangu panumpana namala nangova. Dako ri peantoaka media hi, tempona topanggeni Avanza LA dako samantara niparesa ri Satlantas Polresta Palu, nakava polisi dako ri Reskrim nanggeni LA hau mpatuntumaka Tatalu Roana AY, HZ ante Ri ra selidiki, batuana rapaka ndala kasusna. Dako ri Pangepe media hi ato info namala niparcayai, geira hai Topangangga Mbaso. Salah sangunga Nangangga ri Sekolah Keperawatan STKIJ dala Touwa Palu.
Kasat Lantas Polresta Palu AKP Hangga.SIK nipekutana riara Hp na (SMS) nukajadia oto nanava ri binangga ante geira Ampa riara oto hai ni urusi Reskrimo nompambelaka kajadia hai ” iya, mami nakana naria pangane oto.nosisenggi ri dala Patimura, sangu Oto Avanza nompegasi nalai negoli ri dala Sulawesi kaupuna nanavu riara nggarona” pangulina.
Sampe kareba hi nanau, dopa ria kareba natantu dako ri Reskrim ni tarima Media hi netekaika Ampa panumpa oto Avanza nanavu ri karona hai Topangangga Mbaso.
REPORTER: FIRMANSYAH
