Kasultanan Pahang Mpaduku 3G

  • Whatsapp

KOTA PALU,- SAKUYA Eo naliu Delegasi Kasultanan kerajaan Pahang Malaysia naupu nanjayo kapangande riara ngata palu, temponA hiePemkot noservice  torata dako ri ngata Jiran ri Swis Bell Hotel jl. Malonda Palu sabtu (16/9/2017) pukul 24.00 wita. Riara sesi hai nikakavaka Walikota Palu DRS. Hidayat. M.si, wawali igit Purnomo Said, kadis Pariwisata palu Ridwan Karim, Kasat satpol pp Arif Lamakarate, Dandim 136 Kolonel I Gede Masa ante tadulako OPD ntanina.

Samantara hai porwakilan dako ri korajaan Pahang eve Staff Khusus Kesultanan Pahang Dato Sofian Bin Awang, Wali Kota Kuantang Pahang Dato Fadzilah Bin Saleh, menteri olahraga Dato Johari Bin Hussin ante wakele ntodea Pahang Dato Moh Arifin Bin Awang Ismail. Riara acara hai utusa nogara bagia Pahang neduku ntoto gorakan Gali Gasa anu najadiikon dako ri pamarenta kota hie.

Muat Lebih

Jamuan pangande eva nosempe suvu hainotesaka nadea ngayana urusa eva mpajaritai vai sojarah nggaulu ada tana Kaili, sistim konogaraan naria ri ara Randua ngata ante nadea ngaya ntanina. Riara kosompatana Walikota Palu nangulika katorata rimpae 60 an, Presiden RI Sukarno mpajeje ka kadana ri Bandara Palu da nosangaka Masovu, niposabaka naria eva mutiara riara ngata Tadulako hie, nigantina najadi Bandara Mutiara sampe eo hie.

Nelabi vai niuli tona nomora Sangu ri Palu hie nggauluna dopa na merdeka, ri Sultenh nadea korajaan nompake sistim pamarentaha mboto nolandaskan huku ri libu ngata hai. Tapi ri tempona namaradekamo ante najadi NKRI, namaliole anu hai nombalimo, tapi sampe eo hi, danipake muni ri ngata kaili mau aga sakide.

Eva nakajadia ri ngayona naliu, niposabaka nasala mbivi, kaupuna nidenda Tovau. Nitambaina riara Festifal Palu Nomoni II, maria muni Forum Dialog Nasional Libu Ntode Rekapitulasi nilai budaya ante ada nungata mpalalui tupu nuada, tapi da nopake huku agama.

Samantara hai Staff Khusus Kesultanan Pahang Dato Sofian Bin Awang nompokono ntoto ante sojara ngata nggaulu nte ada to Kaili, ante mpadekei apresiasi ka Rekapitulasi ato mpatinggulika nilai ada-ada hai ka ri tempona hie.  “ Yaku na takjub nangepe potunturaka anu npura hai, apalagi patuju pamrenta ri si hie nompatinggulika nilai nu ada ka ngana ra ngata sakarang hie, ri ngata kami Pahang namaju ntotomo, tapi kaupuna nessua ada dako ri Barat, mpa gero ada ringata kami pura” niulina

Mantri olah raga Dato Fadzilah Bin Saleh nikakavaka Kaili Post ri kasorona acara nangulika ka pamarenta palu tarima kasih ntoto ka polayanan nabelo kageira pura.

Niulina muni ka urusa nossinjayo hi kita namala nosibagi ilmu anta pangalama tarutama ri bidang kepariwisataan riumba ri Palu rakavia haja Festival Palu Nomoni II, kesultanan Pahang noikuti muni ri acara hie “ Ante nosipanjayoka hie mamala mompaka roso vai hubunga posampe suvu antara Randua ngata da nosangurara, rakaji kami ala manggavia korja sama  ri kepariwisataan ri ngayona ngena insya allah” petevaikana. **

Reporter: Firmansyah

Pos terkait

banner 580x60