KOTA PALU,- Nakajamo nikava si melon 3kg ri ngata Palu ritempona hie niposabaka topo tampunisi ante topo balu nelabi dako ri HET, pamarenta Kota kaupuna noenjuka gas elpiji ri Kolurahan-kolurahan. Eva nakajadia ri sala sangu kelurahan ri ngata Kaili, Kel.Tatura Utara Dala Anoa kec. Palu Selatan Araba (13/9/2017) tinti 13.00 wita.
Dako ri panggita Kaili Pos eona hai, naroa todea nakava nangali gas elpiji nanggeni porsyaratan foto copy KTP ato kartu koluarga. Alinu sangu tabung Rp. 16.000. Tempona nangali ri kolurahan solama Alima eo masa mpokarja. Sala saito warga Tatura Agus nangulika nadamba geira nangali ri si hie, nidukura pamarenta ante cara vesia hai, ledo nasuli alina, aga mostor ktp, mamalamo mangala sangu elpiji, ” Daripada ri tampa ntanina nasuli, itu muni ane maria” niulina.
Lurah Tatura Utara Sudin nitomunaka media hi nangulika anu hie instruksi dako ri Walikota, alina nu gas elpiji 3 kg aga Rp. 16.000 sangu tabung, aga manggeni foto copy KTP ato kartu koluarga, tona dako ri sangatana ledo ralayani mangali risi hie. Polayanan saena Alima eo masa korja, dako ri eo Senin sampe Jumat. ” Jatah ka kolurahan Tatura Utara 560 tabung,sadangka kopala koluarga deana 5000 ante.todea rangata deana 18.000 tona, jadi ledo nabutu pura todea ri wilayah kami nanggava tabung gas le” petevaikana.
Reporter: Firmansyah
