Kota Palu,- Kasus ponyilidikan SPBU 73.941.08 ridala Sukarno Hatta kel.Tondo kec.Ulujadi riumba nokurangi deana posuka nu BBM ritempona noisi ka topo motoro ante oto Salasa (29/8/2017) ante nosilidiki Alima tona nokarjaa ri pertamina. Sampe eo hi dopa naupu. Batuana da notonggoraka ahli dako ri Makasar.
Kasus hie pamulana nikava Agus Fardan Lemba (Disperndag) kota, riumba nomparesa SPBU hai ante Loya mbasu ukura 20 liter, namala nikava riara Nosel Dispenser nakura 750 mili sampe 800 mili. Batuana riara noisi Sangu lite premium, solar, pertamax, pertalite ante dexlite domo nagana deana, atu nakuramo dako ri Sangu lite. Naupu hai ia hau nokoordinasi ante Ditkrimsus Polda Sulteng, kaupuna Alima topo karja ri partamina hai nipekutana. Sampe si-si dopa nisani topo nggavia sala.
Ditkrimsus Polda Sulteng AKBP Tedy Salawati nipekutanaka ri via Whats Ap ri 0811450 nangulika silahkan hau ri Asisten II ante Karo Ekonomi pamarenta, nitambaina muni ” pekutanamu nasala alamat, soharusna rapekutanaka ka polisi somontara nosolidiki urusa SPBU “.
Somontara hai, Kabid Humas.Polda Sulteng AKBP Hary Suprapto nikakavaka media hi ri ruangana nangulika kasus SPBU natenggo hai da ni solidiki, da notonggoraka ahli dako ri Makassar, geira nanggisani cara mpa solidiki anu hie, ” da niselidiki kasusna hi, kami notonggoraka ahli dako ri makassar, nariamo Releasena riavi, damo rakarebai roa-roa wartawan, beleka maria vai porkombangan kasusna ngena” pangulina.
Reporter: Firmansyah
