TOPO PUKA BAU NAMATE NIBAGA KAPUNA

  • Whatsapp
banner 728x90

PALU,- SALAH SAITO Topo nturo ri ngta kalora maninti (60) Kecamatan Kinovaro Kabupaten Sigi, namate nibaga kapuna ritempona nosaka bau ante puka ri tasi Taman Ria, ringayo hotel Grand Duta Kel. Lere Kota Palu eo Salasa (26/9/2017) kira-kira tinti 20.30 Wita. Kapuna namala mpataja tona nangelo bau hau rikandalana uve ntasi, ri tinti 23.30 pade nikava tonana domo nonyawa ledo nakavao dako ri TKP.

Dala tesana, ri tempona ia ante bereina jalina (50 thn) hau nontamaka puka ri bivi ntasi, dopa nasae kira-kira ndatena dako 20 meter ndatena nipatakara, eva naria anu mparumpa jala hai. Maninti ante kakuatana nontamaka ala ledo matebasaka, nanggita kajadia hai, bereina nongareka ka todea samantara nanonto Festival Palu Nomoni II ri lokasi hai. Nangepe topo ngare nadeamo tona nakava mpatulungi, tapi tupu mpadotaka i maninti domo neonga dako ri ara tasi.

Niuli sala saito tona nanggita kajadia hai AD, riwatu hai nikitana topo saka bau ante puka,  ledo nasae eva naria nanggaremba riara ntasi risinjori Maninti, nipentana tano naria kapuna mbaso mpataja hau nesua rikandalana. Naupu nakajadia hai, unit SAR dako ri Polda Sulteng ni kapalai Ipda Roy Dansu hau nangelo tona ni keni mpalai kapuna dako petunturaka Kapolres Palu AKBP Mujiayanto.

Kapolsek Palu Barat AKP Sudirman nangulika, mami nakana naria tona nibaga nikapuna ri Tasi Taman Ria eo Salasa Bongina. Toomate nikenimo ri RS Bhayangkara Palu, motonggoraka proses salanjutnya. **

Reporter: Firmansyah

Berita terkait