PALU,- RIARA RANGKA Mpalaksanaka eo kasadaran Nasional, pamarenta kota nanggavia apel ri ngayo kantoro Walikota Palu Senin (18/9/2017) tinti 08.30 wita. Najadi tadulako nu upacara Wakele Wali Kota Sigit Purnomo Said, acara ni kakavaka pura- purana OPD ante pagawe ri ara libu nu Pemkot.
Riara apel, naria muni haja ntanina eva nodekei hadia ka tona pabeta ri lomba traditional motomunaka HUT Ngata Palu ka 39, riumba panggaviana ni buka Sekot Palu Asri ri sakuya eo naliu, mpabasaka ka pagawe ASN naupumo tempo pokarjara ato napansiumo, sosialisasi dako ri BPJS masala positukara dako ri kartu Askes ka kartu indonesia sehat.
Riara tesana, niulina deana amanah eva poran ante tanggung jawab ASN riara mpalaksanaka karjara najadi abdi nogara mpalayani todea, niulina muni ala pokarja geira pagawe ri kauluna supaya rapaka belo vai, ante mpadekei apresiasi ka kapala OPD riara noduku ante nebantu Walikota.
Nitambaina muni, ia noharap doa ante dukunga dako topo apel ante muni todea ri ntgata pula pura ala panggavia haja mbaso Festival Palu Nomoni II ante HUT Palu malancara pura. niulina muni ka todea rangata ala morambanga mosijagai kaamana nungata riara haja mbaso ri ngayona hie. **
Reporter: Firmansyah
