PALU,- ARUS Abdul Karim netepilisi vai najadi Tadulako Pemuda Pancasila Sulteng periode 2017-2022. Anu hi dako ri hasele Musyawarah VI Majelis Pimpinan Wilayah Sulawesi Tengah nompamula dako ri eo Jumaa 20/10 sampe Sabtu 21/10/2017 ri Melinea Ball Room Best Western Coco Hotel dala Basuki Rahmat ngata Palu.
Muswil hi nikakavaka ka Sekjen Pemuda Pancasila Tengku H. M. Nurdin. SE, Bendahara Umum Popom Pamulia, Sekertaris Korwil Sukmadi.SH.MH, Ketua MPW Kaltim Said, ketua MPW.Sulsel, Ketua MPW DKI Jakarta, anggota DPR RI Ahmad H.Ali, Rusdi Mastura, Muharram Nurdin, Ketua DPRD Palu, totua todea, anggota PP Sulteng, ante torata ntanina.
Dako ri hasele Musyawarah sura kaputusa No:443 A2/PN-OPP/1/10/2017 noanggataka vai Arus Abdul Karim nompabalenggai PP, Bendahara Albert Tjiputra, kotua Srikandi Hj. Vera Mastura. Riara kasampatana, Arus nompetevaika songgo poasina ka todea nakava, niposabaka natepilisi vai ia najadi kotua PP. Nambasompu rarana mpadekei anu hie ka ngana dana muda, tapi anu najadimo were dako ri tupu Allah taala, ante patuju geira kader muda, ala manggenisi vai urusa antetanggung jawab mbaso hi ka ia.
Ritempona muni hai Sekjen Pemuda Pancasila Tengku M.Nurdin nangulika Musyawarah Majelis Pimpinan Wilayah ri Palu hi nebelo ntoto, nipisabakana susuna MPC nasisuai ante struktur.organisasi. Dopa vai nariu isu, nakajida Polarisasi riara karo nu PP, tapi anu hai namala nitangkisi pura, ante kakava Rusdu Mastura, Ahmad Ali ante ntanina, ” Himohi batuana Demokrasi, kamai kita meguru dako ri Musyawarah VI hie” petevaikana.**
Reporter: Firmansyah
