SULTENG,- Deana 30 tantara Pasis Dikreg VIX Sesko TNI dan Polri riara Kuliah Kerja Dalam Negeri (KKDN) portahanan ngata 2017 ri Sulteng, ni tadulakoi Brigjen Donald Phillip Rompas nakava ri Makorem 132.Tadulako Senin (30/10/2017) tinti 08.30 wita. Kakavara mangelo kareba ka pokarjaa ante tanggung jawab riara nojoko pamarenta daerah nagasi nombangu ngata, ante nobantu polisi mpajagai kaamana tarutama urusa nu teroris ri poso,ante topo nggavia kaco ri ngata Sulteng.
Riara sambutana Dandrem 132 Tadulako Kolonel Inf. Muh Saleh Mustava mpetevaika songgo poasina ka kava torata nakava khususna ri Sulteng riara nompangajari ka.Pasis Sesko TNI nomaterika portahanan ngata, niposabaka anu hie niangga nasukses riara nojagai urusa todea, pamarenta, tantara ante polri, riara mpajagai kaamana dako-dako hi, ante teroris Santoso ri Poso. Nitambaina muni, ri Sulteng hi nadea tona ledo nasimbayu adara, anumo hai nasaro muni nosidenggu sangu ante ntanina, anumo hai TNI AD khususna Korem 132 Tadulako nokarjamo mpu riara mpajagai urusa hai ka todea nasisuai program, geira muni nobantu nompaka.belo katuvua tona ri ngata nasaro nosibaga, nopake cara nalusu riara nourusa ante tode.
Nakavaopa niulina muni riara program Nawacita kotahanan pangan, Korem norambanga mpajagai ante topo talua, pamarenta natekai urusa hai nompaka mpene hasele talua ala mabelo ka katuvua todea, tarutama kabutuha Ose. Anu hie naria buktina, ri mpae 2016 gabah potani Sulteng nompene heselena. Ri tampajaritana Dandrem nangulika ka Pasis Dikreg XIV Sesko.TNI ala mompaka belo pokarjaana riara modekei hasele nadoli ka bangsa ante negara, ” Majadi tantara nemo masombo, madea mosukuru” petevaikana.
Samantara hai tadulako nu rombonga KKDN Brigjen TNI Donar Phillip Rompas riara petevaika mbukuna nangulika songgo poasina ka Danrem 132 Tadulako ante stafna nabelo mpatarima geira nangelo kareba ala majadi baku ka Pasi Dikreg riara molaksanakan tugasra ka bangsa ante nogara.
Sumber: Penrem 132 Tadulako
