PALU,- KOREM 132 Tadulako nanggavia haja nantara morambanga ante tode rangata film G30/S PKI Sabtu (30/9/2017) tinti 20.30 wita ri saliku Makorem dala Jend. Sudirman Palu. Anu hie, notuntumaka petevaika Pangab Jendral Gatot Nurmayanto. Dako ri panggita Kaili Post, kira-kira Limatu deana tona nakava nantara.
Nompamula dako Tode, anggota TNI sampe topo sikola ante topo kulia, nontura simbayu-mbayu nanonto film PKI. Riara ngata Palu mboto, naria sakuya titik topantara, eva ri TVRI Palu, Universitas Muhamadiyah, Masigi Al Furqan, Warkop Anshor, Warkpo Teman Umang, dala Kenduri, SMPN 2 Palu ante ntanina.
Dandrem 132 Tadulako Kolonel Inf. Muh Saleh Mustafa riara petevaikana ka topo ntara nangulika batuana film G30/S PKI hi ra putara vai, ala nompatoraka ka todea ante ngana muda pura berimba ka doyona geiara riara mompaganti Pancasila ante UUD 1945 majadi paha Komunis.
Dandrem muni nompatotaka ka kabilasa nte randaa ala da mantora belo geira namate riara mpajagai ideology ngata Indonesia, ” Nogarata berbhineka Tunggal Ika, tapi kita Masintuvu mobangu tanatapura, film hi nuputara ala mompatoraka ka ngnata pura berimba kadoyora PKI, ala paha Komunis ledo mamala mevoke riara ngata nipotovete pura,” Niulina.**
Reporter: Firmansyah
