mpakomentar muni
SUMBER,- Okky Asokawaty, anggota Komisi IX DPR RI nosovadaka vua mpekiri na sabana BPJS Kesehatn no rancana mpa hapusi tanggunga ka dua ledo nenaki. Naria 8 dua domo ra tanggu nu BPJS Kesehatan, tapi ra tanggu mboto mo po biayana ka tomadua. Dua hai eva dua na jantung, na ginjal, na stroke, halasemia, sirosis hati, leukimia ante hemofilia.
“Patujuku wacana hi kana ra tesa mpajili ruru, ra elo berimba belona” panguli politisi doko ri Partai Persatuan Pembangunan (PPP) ri Solo, Jawa Tengah, eo Sabtu (25/11/2017). “Sobonarnya ledo a supaya domo ra tanggu, tapi berimba BPJS Kesehatan ma transparansi geira ri pomboliaka doi. Ma transparan ri povia rancana karaja tahunan ante ma transparan muni ripanggavia posibotu-posibotu ante pelayanan kesehatan bo pelayanan pakuli” tesa i Okky.
“Na sotuju ntoto yaku ante panggava Mantari Keuangan (Sri Mulyani) anu nanguli ledo mompo pene iura BPJS Kesehatan, salama BPJS Kesehatan dopa mompakabelo sistem administrasira ante operasionalisasi ntanina” pangulina. Ane panguli nu UUD 1945, nipaka tantumo ane nagara mompa jamin tuvu ntodea ala mabelo katuvuana. Nemosampe todea mombayari ante motanggu mboto biaya mompakulusi dua anu rikarora.
“ane vesia hai, borarti batuana, nagara ledo ria nompakabelo katuvu ntodea” panggavana. ***
Sumber : Kompas.com
