PALU,- RIARA nanggavia karjasama Dekot ante Media mpabangu ngata Palu, Balengga DPRD Palu Ishak Cae ante wakele I Basmin Karim nosintomu ante media nokarjasama (3/10/2017). Panguli Ishak, Pers riara kapamarentaa najadai sala sangu lolo nu kaliavo, niposabaka anu hai mamala morambanga sangu ante tanina mosi peili riara karjasama, ala mabelo pura, tapi ledo mpatagi kabebasa pers riara mpatulisi kareba.
Nitambaina muni Media majadi kontrol sosial nambaso pangaruna ka karjaa riara pamarenta ato ledo anu pamrenta. Nakavaopa nitambaina muni nasoro nosintomi ante Katua fraksi Dekot, rancanana ringayona ngena posintomu mbaso matantumo jamna nasosuai anu ni tantukamo. Ane paratura riara posintomu mbaso nidekeika kasampata deana Sangu ja makava ri gaderara, ” Tapi ane radekeimo kasampata santanga ato sangu ja, dopa makava ri gaderara, chorum ato ledo, kana kubuka posintomuna, anu rakavia ala mompaka.belo karjaa kami pura ri ngayona ngena ” petevaikana.
Anu hai nasimbayu muni niulika Basmin Karim, niulina riara nosimporoana ante Dekot, randu-randuana mosipaka belo vai ngena ringayona riara mpasuvuraka kareba ka tode, anu itu madoli ato madaa. Karjasama pura hie rapakandate vai ngena ringayona.**
Reporter: Firmansyah
