PALU,- SEKRETARIAT Dewan Perwakilan Rakyat Daerah (DPRD) Palu nanggavia haja belo nompaka gali ngata ante Satgas K5 ri libo dala Anoa Kelurahan Lolu Utara Kecamatan Palu Selatan, Minggu (19/11/2017). Anu nompaka voe nompamula Dako ri tinti 08.00 Wita Nikavia saminggu sanggani masintuvu ka pamerenta kota ante andalana Gali Gasa, riara anu hie walikota Palu. Sekretaris Dewan (Sekwan) ngata Hj. Rosyida Thalib nompatudulakoi haja hai, nompaka gali dala , nocabu rumput sampe noanggataka bone ato vatu Dako riara keke ri bengo kantoro Kelurahan Lolu Utara, nambelana ri RT 03 RW 05.
Ledo muni naboliaka todea rangata norambanga nosi bantu nompaka gali ngatara riara mpaturusi haja nu pamerenta. Anu nompaka gali ngata nikavia Sekertariat Dekot nompaka sangu haja Dako ri Pemkot, batuana ala nompaka belo ante mpabantu todea nompaka voe libu ponturora. Anu hai muni majadika pokarjaa Sekertariat DPRD madoli vai ri ngayona.**
Reporter : Firmansyah
