PALU,- RANCANANA eo hi Jumaa (15/12/2017) Komisi C Dewan Perwakilan Rakyat (DPRD) Palu mompokio Dinas Pekerjaan Umum (PU) niposabaka da nadeapa proyek nanggavia keke (drainase) dopa naupu pura. Anu hie ni petevaika i Kotua Komisi C Sofyan Aswin Kamisi (14/12/2017) ri tempona naupu nanggita anu hai ante media.
Riara pangantoaka ri sakuya libo dala ante Aono anggota Komisi.C ntanina, eva ri dala HM. Suharto domo masae maupu, kira kira 90 persen mo, ri BTN Palupi dako naupu nikarjaa 40 persen deana, dala Teuku Umar ato Gade Tua Kelurahan Baru 80 persen, Lorong Bakso Besusu 60’persen, ante dala Hayam Wuruk 65 persen.
Kotua Komisi C Sofyan Aswin riara petevaikana ka Wartawan nangulika naupumo nanggita sakuya proyek riara ngata Palu hie, nadeapa dopa naupu, ” Niposabaka mo hai, Rancanana kami mompokio geira netekaika urusa hie, Dinas PU, rapekutanaka sakuya portanyaan eva nuapa sabana sampe proyek nanggavia keke nalamba naupu nikarjaa, ripia tenderna nanau, tempona hie aga geira ruru ra pokio,’’ pangulina.**
Reporter : Firmansyah
