Reporter : Ikhsan Madjido
KAILI POST,- MARIA Tau njobu todea doko ri Palu, Donggala nte Sigi nakava ri Audiotorium Untad, eo Kamisi, 28/12/2017. Geira nakava hai madota mantarima sertifika nu tana doko nte Jokowi. Saito todea nakava hai, Darmin (52 mpae) nantarima mo sertifika na. “Nisangajaku nakava ri sihi, montarima sertifika nu tanaku” pangulina nompakita sertifika na. Paraside novaika sertifika deana 1.080.950 ka papitu provinsi, Jawa Timur, Kalimantan Barat, Sumatera Selatan, Lampung, Jambi, Sulawesi Selatan dan Sulawesi Tengah, anu nikavia ri Pontianak Kalimantan Barat.
“Ri Pontianak hi naria 110.394. Anggataka vei sertifika miu. Komiu ri provinsi ntanina muni, nepa ruru ra tauraka. Kureke ruru. Sangu, randua, tatalu, ampa, alima, aono….ya, deana pura-pura 1.080.950,” panguli Jokowi. Sertifika nivaika ka sapulu randua todea secara simbolis. Povaika ka aono provinsi ntanina, nipeinta langsung Paraside ante video conference, batuana nosipeinta lenje boi lenje secara langsung.
Ane ri provinsi Sulawesi Tengah nipovaika mantari Tenaga Kerja Hanif Dhakiri. Maria 63.926 sertifika ka Sulawesi Tengah, anu ri eo hai nivaika ka tatalu njobu geira niuli perwakilan.
BACA SELENGKAPNYA DI HARIAN KAILI POST…!
