Reporter : Iksan Madjido
PALU,- BPOM Palu nosuvuraka mo hasele niposabaka nakuya ngana mposikola SD Al-Fahmi nateracu kandea. Hasele hai nanguli ane kandea nidekei ka ngana, naria bakteri na. Bakteri hi nosangaka Staphylococcus aureus and Escherichia coli anu nikava ri kandea sole ante somangka. “Naria papitu sampel niuji ri laboratorium, eo Sine riavi naria mo hasele na, nilaporkan kami mo hau ri Dinas Kesehatan Kota Palu” panguli balengga nu BPOM Palu, eo Salasa (12/12/2017).
Niulina muni, ane kandea sole, loka cokola ante somangka niala sampel na ri eo kajadia ngana nateracu, ane sampel anu niinu nungana niala kamailekana. Ledo ria bakteri nepakabahaya nikava ri loka cokola ante uve niinu, aga ri kandea sole ante somangka naria.
Nadea najadi posaba ka naria bakteri ri kandea, anu ledo nagali eva noriapu manu ante anu ntanina nompoposabaka ka ria nu bakteri. Niuli i Novi, ane bakteri Staphylococcus aureus ante Escherichia coli hi nompopo sabaka nalinggavu rara ante notolua-tolua. “Ane panguli buku nibacaku bakteri mo hai nompopo sabaka linggavu rara ante notolua. Bakteri hi nadea ri pangandea anu naoge protein na, tarutama ri manu anu naoge protein na”, pangulina mpatambai tesana.
BACA SELENGKAPNYA DI HARIAN KAILI POST…!
