Reporter : Ikhsan Madjido
PALU,- NANGEPE Naria kajadia tona nambela racu hamai ri SD Al-Fahmi, eo Sine 4 Desember 2017. Polisi doko ri Polres Palu langsung na kava ri posikola anu no lokasi ri Jl. Gelatik Kec. Palu Selatan Kota Palu. Press release Humas Polres Palu nanguli ane tesa kajadia hi niala kataranga dako nte sala saito guru honor anu nompaguru ri SD Alfahmi no sangaka Nur Sehan, S.Pd. Guru hi nambela nangande kandea sole muni.
Tesa nu guru hi ane kira-kira tinti sasio mpadondo na, ngana mposikola nte guru nidekei ka roti, pada tinti sapulu dinedekei ka vai kandea sole. Aga sakuya mani ngana mposikola nalinggavu mo rara na, notolua-tolua ante nalimpunu matara. Geira hai nikeni mpangova hau ri ruma saki. Ruma saki nimpanggeni geira hai maria aono ruma saki, Wirabuana, Samaritan, Budi Agung, Bala Keselamatan, Anutapura nte Undata.
Ruma saki mpanggeni geira hi, dopa nadota nompadekei sakuya deana ngana mposikola nte guru nesua, apa deana dopa natantu, bo danadea da kakava-kava muni geira anu natopa niuli korban nesua ruma saki.
BACA SELENGKAPNYA DI HARIAN KAILI POST…!
