Reporter : Firmansyah
PALU,- SALA SANGU Program pamarenta riara nompaka sangaka Palu najadi noada ante nobudaya ante nompaka jala Satgas K5 ri Kelurahan netekitamo haselena. Anu hi nipeintaka ri tempona nanggavia haja Givu Nu Ada Nilabu (nipandiu ri tasi) ante Nipali ato nilivu dako rangata ka Randua ito topo selingkuh, N nokarjaa ri sala Sangu Bank ri tana Kaili, bo D (mombine) ASN, randua-nduana noberei puramo, ri Kelurahan Silae Kecamatan Ulu Jadi ngata Palu Senin (18/12/2017) tinti 11.00 wita. Haja hai Nikakavaka Tadulako nu ada Silae H. Indra L Lanuhu, Kapolsek Palu Barat AKP Sudirman, Wakele dako pamarenta ante todea rangata.
Naria muni denda nidekeika ka geira, eva nompaka sadia Randua Bengga, tapi ledo namala nikaviara, nipakanavukamo ada Nilabu ante Nipali.
Partamana haja nikavia ante nangande Naroa, naupu hai geira randua notutui balenggara ante buya nikeni hau ri tasi, “Ane nompatuntumaka aturana mpu, ledo mamala ra tutui balengga ante lenjera, tapi mojagai geira nemo sampe ma ea matara ngena, anu hai ni turusimo, Nilabu ante Nipali hi kambelana nantamomo riara no huku geira hie, niposabaka rapandiu ri tasi ala mosuvuraka anu nasoe ri karora pura, ante ra livu dako ri Silae hie,’’ panguli Lurah Silae Safaat.
BACA SELENGKAPNYA DIHARIAN KAILI POST…!
