Reporter: Firmansyah
KAILIPOST.COM,- PALU- TRAGEDI Kamate i Alfayer (13 mpae) niposabaka ni boba todea ri dala Namo Petobo sakuya eo naliu. Nikava nangangga ri sala sangu banua ntona. Nompaka doyo pangantoaka tona ka pamarenta bo polisi ri tempona hie. Sala saito anggota DPRD ngata Palu dako ri Komisi B i Sucipto S Rumu, ka Kaili Post Salasa (27/2/2018) nangulika domo nanyama bo naama todea, sampe naliu rarara nopatesi ngana hai. Nuapa mpu alasana anu hai ledo nambela ane ninita dako ri hukum bo agama.
“Apalagi anu hai nambelaka ngana da riambe umuruna, ledo masipato makajadia, berimba mpu mbasona kasalana, Alfayer muni da anata pura, ia muni danamala rapangajari ala mabelo, ledo rapatesi, ane mpu ngana hai nasala, keni ri kantoro polisi, nemo ratiku mpoboba, kambelana kita pura mamala mompikiri belo ka kajadia hai, niposabaka kita nasumpumo rara nanggita kaingguara pura, naliumo rarata ” petevaikana.
Tapi anu hai potinggulaki pura ka todea, domo nanyama bo naama nirasaira sampe nadunggu mo palera.
BACA SELENGKAPNYA DI HARIAN KAILI POST…!
