Reporter : Firmansyah
KAILIPOST.COM,- PALU- KAPALA Dinas Kosehatan Palu Royke Abraham riara petevaikana ka urusa mompaka kura bo mangelo dala belo ri masala pevoke nu virus HIV ri ngata Kaili tempona hie, ka Kaili Post Araba (21/2/2018) nangulika naria Tatalu program rakavia.
Eva zero HIV, riumba riara program hie nompaka kura tona nanggava virus hai, nompaka kura tona namate niposabaka nambela Aids ante cara mpasinjoro bo notevaika ala manginu pakuli tujuana mompaka ndate umurura, nanggavia promitif preventif ato mokampanyeka berimba nabahayana virus hai ante notevaika ka todea ala mantarima geira na Aids riara libo katuvuara, batuana tona nambela HIV (Odha) namala matuvu mosinjori ante todea.
‘’Ante mariana Raperda HIV samantara rakavia antara Dekot bo Pemkot tempona hie, mamala majadi toru hukum ala ringayona motambai karosota mo urusi anu hai, urusa Aids ri ngata Palu hie eva bulu es, riumba ledo nisani-sani mambaso nju masalana, bo anu mo hai berimba carana kita mompaka botu rantena, eva motevaika geira PSK,LGBT ala domo ra turusi panggavia hai, sakidena mamala mompakura tona nambela Aids, ledo mesuvu dako ri urusa agama le, tapi berimba usahata ala virus hai ledo mendele ante todea ntanina,’’ niuli Royke.
BACA SELENGKAPNYA DI HARIAN KAILI POST…!
