Reporter : Firmansyah
KAILIPOST.COM,- PALU- DAKO ri ponilitian pongamat politik Baharudin Muhtadi ka Ampa pulu bo Papitu Nogara no kasus money politik. Indonesia nambela ri uruta karanduaka naupu Uganda. Vesiamo hai tesa kotua umum partai porsatuan pombangunan (PPP) Moh. Romahurmuzy ato nabiasa nipokio Gus Romy ri acara Rapinwil ri Zamrud Resort dala Munif Rahman Palu, Araba bongina (11/4/2018).
‘’Dako ri Ampa pulu bo papitu nogara ni tolitina ka urusa kasus money politik, Indonesia nambela ri nomoro karanduakana naupu Uganda. Anu hie najadika poboba mbaso ka kita, riumba nikanala najadi polibo nu agama Islam nambaso ri dunia. Pada hal tulu Allah taala notevaika ka Nabi mbasota Muhamad SAW tope sogo ante nisogo karandua-duana mesia naraka. Tapi anu hie eva najadimo kasus borjamaah, batuana geira nosipobalu suara ledo aga sakide, eva contohna nakajadia ri sakuya ngata, vamba pesua nipataka pongumuma ane pemilu bo pilkada notulisika ri si hi nompaka sadia suara, hubungi nomoro hie ” nitevaika i Gus Romy.
BACA SELENGKAPNYA DI HARIAN KAILI POST…!
