Reporter : Firmansyah
KAILIPOST.COM,- PALU- WAKELE WALI (Wawali) Kota Palu, Sigit Purnomo Said notevaika ka topo balu ri soki-soki kampung Kaili ala mamala mojagai kobersihan mboto, ante mopaka gali libo pobalura, “Yaku mpaharap ala topo balu ri kampung nolayan hie, mobantu DLH mompaka gali libora mboto”. Anu niuli i Pasya ri tempona Haja mbaso nompaka gali bivi tasi Talise niikuti Njobuna Persatuan Perawat Nasional Indonesia (PPNI) ngata Palu, Ahad (8/4/2018). Haja hai muni nikakavaka kotua DPRD Palu Ishak Cae, kapala Dinkes Palu Royke Abraham bo Asistena, Forkompimda ante kantoro natekai ri Pemkot Palu.
Riara petevaikana i Pasya nangulika nuapa nikavia PPNI hie ala majadi conto ka ntanina ” Nuapa nikavia PPNI eo hie naheba, riumba njobuna tona nompaka gali bivi tasi bo dala ri Talise. Yaku maditaka ala haja hi nemo mabotu-botu panggaviana ” niulina. Apalagi ane topo balu ri kampung kaili hie mamala moawasi mboto sampahra ” Naase muni rarata nanggita DLH nompaka gali mboto, ledo nosibantu ante tona pura. Anu hi ala majadai porhatianta pura ” pangulina. Nitambaina muni program ngata Palu majadi Destinasi wisata mamala natekavia. Naria Randua syarat majadi Destinasi ri Sapta Pesona, Magali bo magaya. Ane ledo vesia hai. Ledo ria tona makava ri Palu.
BACA SELENGKAPNYA DI HARIAN KAILI POST…!
