DPT PALU DEANA 222,132

  • Whatsapp
KPU Sulteng melakukan sosialisasi ke SMK Negeri 2  Donggala. Nampak
Ketua KPU Sulteng, Tanwir Lamaming memberikan sosialisasi.**

Reporter:
Firmansyah

DAKO RI Posintomu pleno natebuka Komisi Pomilihan Umum
(KPU) Palu, nikaika urusa posireke daftar pomilih hasele porbaikan PPSHP ante
nopaka tantu daftar pomilih totap (DPT) ovalu kocamatan ri ngata Kaili, eo Senin
(20/8/2018), ri Hotel  Santika.
Nohaseleke  222,132 deana tona mompelisi
ri pemilu 2019 ngena.

Ri Kacamatan Palu kamata eona, alima kolurahan,
deana TPS 145, langgai nompelisi 12,480, mombine 13,242, totalna 25,722.
Kocamatan Mantikulore, ovalu kolurahan, TPS 209, langgai 22,165, mombine
23,036, pura-purana 45,201. Kocamatan Palu ri tasina, alima kolurahan, langgai
6,907, mombine 6,939, totalna 13,846. Kocamatan Tavaili, alima kolurahan, deana
TPS 62, langgai motosu 7,125, mombine 7,122, total pura-purana 14,247.

Ane ri Kocamatan Palu Puluna, naisika alima
kolurahan, TPS 192, deana langgai netosu 21,064, mombine 21,566, totalna
42,635. Kocamatan Tatanga, aono kolurahan, TPS 133, langgai 14,803, mombine
15,079, pura-purana deana 29,883. Kocamatan Palu ri Kasoloana aono kolurahan,
ante TPS 179, langgai 15,351, mombine 15,648, totalna 30,999. Kocamaran Ulu
Jadi aono kolurahan, 96 TPS, langgai 9,772, mombine 9,828, pura-purana deana
19,600.

Samantara hai, deana topo pelisi baru ri ovalu
kocamatan deana aono njobu sioatu papitu bo ovalu tona. Ane daftar ledo nabelo
porsyaratana, ovalu njobu ruatau pata pulu bo sasio dena pura.

Kotua Pomilihan Umum (KPU) Palu, Agusalim Wahid
nitomunaka wartawan, nosoro posintomu nangulika, hasele daftar pomilih  totap (DPT) hai, naupumo niposireke, bo
nosipaka simbayu ante data dako ri Bawaslu bo Panwacam ntani.

Nitambai i Agus, natebasaka dako ri urusa hai, da
naripa ngena rakavia daftar pomilih tambahan (DPTB). DPTB mboto, pangulina
naisika tona dako ri sambaliku nu ngata, tapi nonturo ri Palu. Ledo nate tulisi
ka topo reke data (pantarlih) nakava ri kolurahan baraipia hai. ” DPTB
mboto, naisika geira dopa natetulisi ri DPS nggaulu, eva topo tosu baru, tona
dako ri sangatana nonturo ri Palu. Nipisabakamo hai, geira pura rakumpulu ri
DPTB, ” petevaikana.

Nakavaopa niuli i Agus, santanina ledo naria ri
DPT ante DPTB, da nariapa cara mosuaraka geira ri daftar pompelisi. Nosangaka
daftar pomilih khusus (DPK). Batuana dopa naria KTP elektronikra. ” Ane
nopaka tantu urusa DPK, kami da notonggoraka haselena, anu hai da mandate
tempona sampe ri tanggala 17 April 2019 ringayona, ” pangaku i Agus.
Niposabaka nadea ledo momonuhi syarat (TMS), i Agus notevaika niposabaka naria
norapi datara, namatemo ante nelinjamo ponturora.
**

Pos terkait

banner 580x60