Morekonstruksi RS Anuta Pura Paralu 172 Milyar

  • Whatsapp
Reporter: Firmansyah Lawawi

Muat Lebih

ANGGARA
Rapake morekostruksi ruma saki Anuta Pura, nitasere deana Rp172 Milyar. Rancana
mombangu vai ruma saki anu anggara na dako ri Bappenas ante dako ri luar nagri
hair a pamula bula makava. Sampae maupu mo rakaraja.

Wakele Direktur RS Anuta Pura, drg Hery Mulyadi
nanguli dopa pa ra rekonstruksi, pamarenta momparesa ruru lokasi pombangu hi.
“Pamarenta momparesa ruru lokasi tana rap o bangu vai ruma saki. Na ama ledo,”
panguli Hery, eo Aha (27/1/2019).

Ruma saki hi ngena ra bangu ante konstruksi mantaha dako ri lingu. “Apa
Palu hi na rawan lingu. Boitumo itu, bahan rapake mombangu ma anti lingu,”
pangakuna.
Nitambai i Hery Mulyadi
muni. Sakuya eo naliau, naupumo geira nosintomu ante Kementerian PUPR, Adhi
Karya ante konsultan gambara. Riara mompakitaka berimba gambarana ruanga baru.
Riara mosambei mobangu ruanga nggaulu dako ruma saki.

Ane bantuan ka alat
kosehatan (Alkes) ka ruma saki Anuta Pura, nidejeika dako Komenterian Kosehatan 
RI. ” Nariamo nidekeika alat kosehatan ka ruma saki Anuta Pura. Dako ri
Komenterian Kosehatan RI,” petevaina.

Sampe ri eo hie muni.
Urusa nomparesa tana rapombangu vai ruma saki nagero hai da samantara najala.
“Ri eo hie, kantoro
natekai. Rancanana moparesa tana rapombanguka vai ruma saki Anuta Pura nagero
ntamo nambela lingu. Ra perapika doa dako todea ri ngata Palu. Ala prosesna
malancara pura le,” perapina.**

Pos terkait

banner 580x60