Pemkot Notumbo Qori Hau ri STQ Provinsi

  • Whatsapp

Reporter: Firmansyah Lawawi


Muat Lebih

PAMARENTA Kota Palu, niwakeleka
Asisten I Pamarenta bo Kesra, i Mohamada Rifani Pakamundi neduku Qori ante
Qoriah riara haja Seleksi Tilawatil Quran (STQ) tingkat Provinsi ri Kabupaten Morowali
Utara.

“I Pue Nabi nanguli
kabelona umatna, geira nompolajari ante nopangajarika Al Quran ka todea,”
niulina ri tempo nabuka pombinaan bo seleksi STQ ri Asrama Haji Palu, Senin
(11/2/2019) 
Niposabakamo hai, ia
nosarumaka mpu ka kontingen, ala mpu-mpumangala polajaran ri tempona hai. 

“Ala nuapa nikavara ri tempona pombinaan. Mamala rapakera ngena ri tempona
mooseaka haja ri STQ, ” pangulina.

Santanina muni, niuli i
Rifani, petevai i Walikotaala geira Qori bo Qori’ah naupumu natepelisi ngena.
Mpu-Mpu namala nompakitaka prestasira. Manggava juara ri haja STQ. Walaupun
ngata Palu dopa nasae nambala lingu, bomba talu bo tana nalodo. Riumba geira
kontingen ato sampesuvura bara nambela bala hai.

Pombinaan Qori bo Qoriah
hai saena ampa eo. Natebagi randua haja. Eva sesi pombanaan ante noseleksi
geira nowakeleka dako ri pamarenta ngata Palu. Ri haja Soleksi Tilawatil Quran
mbula-mbula ngura Maret 2019.

Nitambai i Rifani muni,
pamarenta ngata Palunotevaika sonngo poasina ka pongurus LPTQ. Nosuaraka
kontingen riara haja Seleksi Tilawatil Quran (STQ) tingkat Provinsi.

Seleksi Tilawatil Quran
mboto haja riara nangelo bibit-bibit nabelo dako Tilawah. Riumba ri ngayona
ngena motuntumaka haja nalangapa. Eva Musabaqah Tilawati Quran (MTQ) tingkat
Internasional.**

Pos terkait

banner 468x60