Raperda PKL Ni Tesa ri Dekot

  • Whatsapp

Muat Lebih

Reporter: Firmansyah Lawawi

Hasele
huku ka paratura daerah (Perda) nompajadika tampi ka topo daga dala. Vesia
nibacaka Sekdakot Palu, i Asri.SH ri haja posintomu mbaso, petevai Walikota ka
tatalu rancanga paratura daerah (Raperda) eo Kamisi (7/2/2019) ri kantoro DPRD
Palu.

Raperda porubahan perda lomoro 3 mpae 2012 nikaika
ka pombinaan bo ponortiban hai muni najadika dasar naroso ka pamarenta ngata.
Riara dala bo moaturu ka podangan kreatif lapangan, ato podagang kaki lima.

Santanina muni hai, mompaka sagena siatim ngata
Palu, ala ledo mantamo sabingga, maama, tortib, malancara bo maseha.
Nipisabakamo hai, ledo aga modekei kasampata ka pevoke nu PKL. Tapi muni
mojagai faktor kabutuha ntanina ledo magero.

Nopaka navu huku ri perda nggauluna, ledo nabelo
rapake ri pamarenta ngata. Niposabakamo hai muni, naparlu morubah vai
paraturana.

Randua rancanga paratura ntanina naupumo
niposijaritai ka Dekot ante Pemkot, eva raperda kosehatan reproduksi, berimba
mbasona, cara nompaka kura, nompaka ngaa, nohapusi bea ngata bo potaja
retribusi daerah ri libo ekonomi khusus.

Wakele kotua I DPRD Palu, i Basmin Karim najadi
pomimpin posintomu nangulika, notuntumaka hasele badan pombontukan perda
(Bapperda) nipaka tantumo ri pojarita pamulana wakele todea.

Nidua riara rekomondasi ka tatalu raperda lomoro
188.34/01/prodak hukum dan dokumentasi tanggala 6 Februari 2019.

Bapperda tugasna riara nanggavia perda
nosijaritaimo tatalu raperda ante OPD natekai Pemkot. Tempona nipaka tantu
mamimo.

Tujuna ala manggava produk huku mabelo riara
pamarenta. Ala mompaka belo polayanan ante katuvua todea riara ngata.

Dako tatalu pulu bo alima deana pura-pura wakele
todea Palu, nakava aga randua pulu randua, tapi naganamo notuntumaka paratura
dewan. Haja hai muni nikakavaka kantoro natekai Pemkot Palu.**

Pos terkait

banner 468x60