DOMO aga gaya na bayangi Rumah sakit umum (RSU) Anutapura ra bangu mpanjili naupu nagero ntamo ni goya nu lingu bula September 2018 naliu.
Ruma saki hai ra bangu mantaha dako nugoya lingu mbaso maupa na kodi.
“Apa Palu hi kan nasaro nipoliu om koro, jadi bangunan na ra povia mantaha dako ri lingu. Naria mo master plan na,” panguli Wakil Direktur Pelayanan RSU Anutapura, drg. Hery Mulyadi, Selasa (12/3/2019).
Ane mandate umuru, mpae hi pombangu panjili AMC ruma saki hi maupu maupu mo.
“Topombangu ruma saki no janji mo nte kami, ane mpae hi maupu mo ra bangu ra,” pangakuna.
Nipekutana berimba hasele ponolitian struktur nu tana atau Sondir anu ra pombangu ruma saki, niulina da somontara nikaraja nju anu hai.
Kapasitas ante luo nu banguna masimbayu nte luo na banguna nggaulu. Ane deana anggara maria Rp175 milyar rapake mombangu RS Anutapura hi. Anggara hai dako ri Bappenas ante suwasta.
“Ane anggara rapake mombangu AMC hi dako ri Bappenes ante dako suwasta,” tesana.**
Reporter: Firmansyah Lawawi
