KPU Palu Nousahaka DPK Mesua DPT

Reporter: Firmansyah Lawawi

KOMISI
Pemilihan Umum (KPU) nocatat maria 3.754 todea ri Palu anu namalamo motosu tapi
dopa nesua ri Daftar Pemilih Tetap (DPT).

Todea
anu niuli Daftar Pemilih Khusus (DPK) hai damo ra usahaka mesua ri DPT. Geira
hi mamala motosu mau aga manggeni e-KTP hau ri TPS, yang ponting masosuai
alamatna ri KTP. DPK mamala motosu, sangu ja dopame ra tutui TPS. Tinti 12.00
sampe 13.00.

Komisioner KPU Palu, Idrus ri tempo bago smimulasi
potosu, eo Kamisi (28/3/2019) di gedung serba guna Kelurahan Tipo, Kecamatan
Ulujadi, nanguli pousaha DPK mesua DPT inisiatif nu KPU.

Anu
hi batuana mo akomodir todea moesaeka Pemilu bula makava.

“Sampe
eo hi, proses mosuaraka DPK danikavia nu KPU,” tesana. Nitase
maria sapulu sangu moni watu rapake saito tona motosu ri TPS.

“Sapulusangu
moni hi nireke dako paratama toposu makava sampe mosuaraka sura suara ri kotak
suara,” tesa Idrus.

Anu,
pangulina, nasimbayu ante simulasi potosu nasional, anu nioseaka taluatu
topotosu. Saena dako nompamula potosu sampe tinti sapulu sangu bongina.

“Simulasi
hi ngena rakavia muni ri papitu kacamatan ri Palu,” pangulina.**