 |
Reporter: Yohanes Clemens
|
MARIA 7.085 ngana mposikola dako ri Sekolah Menengah Pertama Negeri (SMPN), Sekolah Menengah Pertama Swasta (SMPS), Madrasah Tsanawiyah Negri (MTsN), Madrasah Tsanawiyah Swasta (MTsS), anu naria ri Kota Palu Sulawesi Tengah (Sulteng), mangoseaka ujian natopa niuli Ujian Nasional berbasis Komputer (UNBK), ante Ujian Nasional Berbasis Kertas Pensil (UNKP).
UNBK SMP/MTs hai ane ledo maria saba rapamula tanggala 22 sampe 25 April makava.
Dako ri 7.085 siswa ri Kota Palu hai, mangoseaka UNBK maria 4.195 siswa eva dako ri 19 SMPN, deana na 3.319 bo 14 SMPS deana 876.
Sadangka geira anu mangoseaka UNPK, maria 1.400 siswa dako ri alima SMPN ante deana 1.202 bo 9 SMPS dea nu siswa 198.
Kapala Dinas (Kadis) Pendidikan dan Kebudayaan Kota Palu, Ansyar Sutiadi nanguli dako ri deana posikola ante siswa hai, deana pura-pura maria 7.085 siswa.
“Kutevaika ka komiu ngana mposikola, asupaya mompakasadia karo bo ma focus mo bolajar. Jagai kasehata, apa domo masae ujia. Komiu kapasikola pakadea mami mo manggavia simulasi mandiri,” petevaina.**
