MARIA Siopu bo Uvalu daera anu nasiromu ri Asosiasi Pemerintah Kota Seluruh Indonesia (APEKSI) nasiap mombantu mobangutaka Hunian Tetap (Huntap) ka todea ri Palu anu nikava nu lingu, momba talu bo tana lodo aono mbula naliu.
Wali Kota Palu Hidayat notesa berimba pamarenta notangani boncana ri Palu riara bago nosangaka rapat kerja nasional Asosiasi Pemerintah Kota Seluruh Indonesia (APEKSI) ke-XIV ante peluncuran Indonesian City Expo 2019 ri Semarang, Jawa Tengah.
Ribago ruaeo hai (29-30 Maret 2019), Wali Kota Palu nosovadaka patujuna mobangu ponturo mo nuansa Nusantara. Ponturo hi niulika hunian tetap (huntap) mocirikan banua dako rinjumangu daera ri Indonesia, raponturo todea anu nambela boncana.
Patuju hi nisonggo belo 98 pamarenta kota ri Indonesia anu nakava rib ago hai. Walikota Tangerang Selatan Airin Rahmidiani salaku Ketua Dewan Apeksi Nasional, noapresiasi ntoto patuju hi. Ia nosanggupi patuju wali kota Palu hi.
Walikota Palu notarima kasih ntoto kasanggupa 98 anggota Apeksi bo noapresiasi parhatia Apeksi ka todea na anu nambela boncana.
Niperapi Hidayat anu hi masasinta rakavia mo, apa danadea todea na nonturo ri shelter maupa ri huntara anu ni bangu kementerian, NGO bo swasta ntaninapa ri Palu.**
Sumber: Humas Pemkot
