Reporter: Firmansyah Lawawi
ASUPAYA Ma am abo ma nyama todea ri bula mpuasa bo ri eo nggabuka ngena, Walikota Palu noparenta lurah nte camat mompaka aktif vai posko Ramadhan ri njumangu wilaya.
Anu hi nosovadaka Sekretaris Daerah Kota Palu, Asri L ri tempo nowakele Walikota nobalenggai kasiromu ante lurah bo camat ri Kota Palu. Eo kamisi (30/5/2019).
Vesiamo hao parenta Walikota, panguli Sekot, supaya ri njumangu kelurahan ra aktifkan posko Ramadhan. Camat supaya momparesa na. Posko hi kana rap aka aktif sampe tanggala 2 Juni mamosu ma buka.
“Naria mo lapora ane njumangu keluraha nanggavia posko Ramadhan hi. Walikota notande belo nuapa ikavia nu lurah bo camat,” panguli Asri.
Niperapina muni, supaya lurah nte camat manggita-nggita muni gade Lentora ri wilaya ra. Nemo sampe Walikota mangepe maria pongua todea, apa naria kajadia anu ledo niperapi-rapika.
“Ane maria masala ri gade Lentora, lurah ante camat harus mo mpakabelo mami,” perapina.**
