Reporter: Ikhsan Madjido
REKTOR Institut Agama Islam Negeri (IAIN) Palu, Prof Dr H Sagaf S Pettalongi MPd nanguli ane mahasiswa/mahasiswi
IAIN domo mombayari SPP maupa Uang Kuliah Tunggal (UKT) uvalu semester saena.
Sara na mamala moa pa Qora 30 juz, bo dno kulia ri strata satu (S1).
“Mahasiswa no apala 30 juz, ra tanggung nu IAIN SPP ante UKT na,” panguli Prof Sagaf Pettalongi MPd, ri IAIN Palu, eo Kamisi (20/6/2019).
Mahasiswa baru mpae 2019 masipato ma sana rarantaina mangepe kareba na tekai mahasiswa anu no apala Qora, natopa niuli hafiz.
Anu batuana mompamotivasi bo mompa tumbo mahasiswa supaya maka bukura mangaji.
Ledo aga hai, kabijaka hi motumbo upaya IAIN Palu mompa ceta intelektual muslim anu na moderat.
Niuli Prof Sagaf, nipasadiana mo anggara ante no reke-rekemo beasiswa hafiz qora, nompamula geira no apala 30 juz, ruapulu bo sapulu juz.
“Naria porekena, katantuna mahasiswa no apala 30, 20 ante 10 juz, manggava beasiswa. Ane noapala 30 juz, ma bebas SPP maupa UKT,” pangulina.
Kabijaka hi ledo ngena batuana nompatagi mahasiswa no bolajar ilmu umum ante teknologi. Tapi no motivasi mahasiswa supaya maraji, mangaji, motulisi ante mo apala Qora.
“Kana ra polajari muni teknologi, ilmu pengetahuan umum, ante teknologi. Tapi, nemo rakalingasi mangaji ante mo apala Qora,” perapina.
Wakele Rektor Bidang Perencanaan ante Keuangan IAIN Palu Dr Kamaruddin ledo nompasapu ane IAIN Palu no alokasi ka mo anggara beasiswa hafiz Qur’an, ka mahasiswa.
Niulina, ledo aga mahasiswa baru, tapi mahasiswa no kulia mo kana manggava muni beasiswa hi. Saratna, mo apala Qora.**
