Reporter: Firmansyah Lawawi
Pamarenta Kota Palu nompopalai maria sapulu sasio pongungsi boncana dako ri Hunian Sementara (Huntara) ri Jalan Asam III, Kelurahan Kabonena, Kecamatan Ulujadi, eo Sine (22/7/2019).
Geira 19 hi nireke tona aga nonturo ri kos atau no kontrak banua ntona, dopame na lingu mbaso bara pia naliu. Naria muni banuana ledo nakuya anu ledo masipato manggava Huntara.
“Geira hi ledo muni tona ri Palu. Naria dako ri Desa Tomado, Kecamatan Kulawi, Sigi,”
panguli Camat Palu Barat, Kapau Bauwo.
Niuli Kapau Bauwo, Huntara ri Asam III hai ka todea ri Kabonena bo Kampu Lere anu
mpu-mpu domo naria banuana.
“Ruangganimo kami nopatolele ka geira, supaya ane mamala malai mbotomo,” pangulina.
Tapi, ledo nipopalai taburere geira hi. Ane naria tona natiana, da nibijaksanai.Huntara
na koso mo ngena hai, ra ponturo sararana dako ri shelter Masjid Agung.
Maria 90 sarara ri Masjid Agung dopa nanggava Huntara.**
