Mamosu bula puasa alinu Kabutuha pokok rigade lenatantu

  • Whatsapp
banner 728x90

MAMOSUMO Bula Nggabuka (puasa) hi, alinu kabutua bahan pokok ri Gade dopa natantu. Eva risalah sangu Gade ri  sabingga kasolo nue Kota Palu Pasar Manonda. Dako nipanggita Media hi Eo Senin tgl, 22 Mei 2007. Alinu Kabutuha pokok eva Pia mputi, Pia Lei, ose, cangkore mata ante gola Lei dopa narata ali nupobaluna.

Alinu Pia mputi Rp, 55,000 per kilo, pia Lei Rp, 25,000, cangkore mata Rp,24,000 perliter, ose Santana Rp,8000 perliter, ose Kapala Rp, 7500 perliter ante Gola Lei Rp, 24,000 perkilo. Eva i, topobalu Rahwan ri salah sangu pasar Inpres Manonda ridala  Kacang Panjang. Ane Pia Mputi nipobalukan Rp, 55,000 perkilo, pia Lei Rp, 25,000 perkilo, Gola Lei dako ri Palolo nibasakan Rp, 24,000 perkilo. Alina hie ledo nasimbayu ante topobalu ntanina ri rara libo gade Inpres Manonda.

Eva Puaji Mombine topobalu ri rara gade sabingga puluna Ledo nadota rasuaraka sangana ri rara Koran. Ane Pia Mputi nipobaluna Rp, 60,000 perkilo, Pia Lei nipobaluna Rp, 30,000.  Nisanina naria Wartawan nompeku tana alinu pobaluna hai, iPuaji Mombine domo nabelo polenjena eva aga narauka Wartawan, aga niulina ka Awak Media hi “ Nemo ragannggu yaku nobalu, koi palai hau”.

Alinu dagi japi nipobaluka Rp, 110,000 perkilo, parancina Rp, 5000 perkilo, Gola puti Rp,13,000 perkilo, Lana Belo Rp,13,000 perliter, ntalu manu Rp,36,000 sampe 40,000 perrak, marisa Mbaso Rp, 15,000 perkilo, kaluku dopa nigili alina Rp, 4000 sampe Rp, 5000 perbiji. Alina pura ribavona hie domo nosisala alias natantumo ante geira topobalu ri Gade Inpres Manonda Palu Barat. Eva dagi nu Japi nasimbayu pura alina Saratus Sapulu Rupiah. Vesia muni ante Lana Belo, gola puti. Aga kaluku nososa alina sakide. Nabiasa nipobaluka Ina-Ina Limanjobu, namala nitavari ranga najadi Paranjobu saongu. **


Reporter: Firmansyah

Berita terkait