Reporter: Firmansyah
UNIT Transfusi Darah PMI Sulteng riara bulan puasa hie manggavia haja rapojaga-gai bara hia makura kasadiana Ra ka todea Kota Palu hie. Haimohai Kantoro PMI ranacana hai manjayo ri“Ruapulu bosasio” masigi ta. Haja hie ra povia ri tanggala 27 Mei sampe 24 Juni 2017 sampe maupu.
Rancanana geira makava ante Oto nu Unit UTD PMI. Panggaviana hai riwatu mosambaya Tarawe sampe nasoro topo sambaya.
Petevaika I Kapala Unit Transfusi Darah PMI Sulawesi Tengah Doktere Abdulah ri Kantorona eo Salasa Tanggala 23 Mei 2017. Niulina vei nisangaja kami hie riara bulan Puasa hi manggavia Safari Ramadhan rapo jagai-gai ane ngena bara makura pomboliaka Ra kantoro hie. Anumo hai kami hai makava ngena ri Masigi-Masigi ri Kota Palu hie.
Petevaikana muni numasala syistim karja nu kantoro hi. Eva kita mangali Bau eo hi rigade, ledo rakande bula ngena ato rimpaena, railita bau eo hi rigade, rakandemuni eo hie. Vesia carana Kantoro hi riara mojagai pomboliaka Ra. Ledo mamala masae Ra hair a boliaka, kasaenamo rua minggu ato tatalu minggu. Apa ane masae mageromo Trombosit nura hai. Ane vesiamo domo mamala rapake vai.
Hai mo hai nuusaha Kantoro Unit Transfusi Darah PMI Sulawesi Tengah riara mojagai pomboliaka parsadiaa Ra katodea ri Kota Palu Hie. Ane maloga rara miu ka Ojo, dei. Mange-mangge, ina-ina. Mamala kmiu modekei ra miu ka tona naparlu. “Santiti Ra miu naria gunana katona.’’ Abdullah. **
