Ngata Palu,- MESUA Eo ka sapulu boa lima puasa hi mpaulamo ali nu kabutuha ri gade nomaliole nompene. Dako nipanggitaka Media Kaili Post eo Kamisi(8/6/2017) ri rara gade Inpres Manonda Palu barat, dagi nujapi saminggu riavina aga nipobaluka Rp.1,5000 per-kilona eo hi nompene vaimao najadi Rp.110 per-kilona.
Vesia muni ante ali nukaluku biasana nipobaluka patanjobu himami najadi Alima sampe Aono jombu sangu, marisa mbaso nggaulu aga nipobaluka Rp.15.000 per-kilo sakarang nompene Rp.17.000 perkilo, parancina Rp.5000 per-kilo si-si mami nompene najadi Rp.7000 perkilo, ntalu manu ras nompenemo najadi Rp.36,000 sampe Rp.42.000 per-rakna, vesia muni ka ali dagi numanu broiler nompenemo najadi Rp.50,000 sampe Rp.60.000 per-ekor ka manu nambaso.
Narimuni ali nu kabutuha poko ri gade Inpres Manonda Palu Barat dopa nompene hargana, eva Gola puti dopa nombali alina Rp.13,000 per-kilo, ose nipobaluka antara Rp.7,500 sampe Rp.8,000 perliterena, pia lei Rp,25,000 perkilo, pia mputi noputara ri angka Rp.50,000 sampe Rp.50,000 perkilona, lana belo Rp.18,000 perlitere, gando antara Rp.6000 sampe Rp.6500 perkilona, pia Bombay Rp.22,000 perkilona, wortel Rp.16,000 perkilo, kentang Rp.18,000 perkilona ante boncis Rp. 12,000 perkilo.
Risalah sangu stand riara gade Inpres Manonda Palu Barat stand topo balu nu dagi, media Kaili Post hau nanjayo ante nompekutanaka nuapa saba ali nudagi japi nau mpene riara bula mpuasa hi. Sala sangu topo gade dagi I bapak Maaruf Sahabudin nempetevaika ali nudagi nau mpene nipangaruhi muni ante stok dagi ri si,”Ane nadea stok dagi, biasana alina lenompene ato biasana nanau” pangulina. **
reporter: firmansyah
