Palu,- KAGUNANA Mopakabelo Ops Cipikon ante metangkisi topeganggu Kamtibmas ante muni mpatauraka mpovia doyo mamosu bula nggabuka ngata Palu hi. Kepolisian Resort Palu mpatauraka pura kakuatana. Anu hie nitevaika Kapolresta Palu AKBP Chist R.Pusung ka wartawan hi ri watu kakavana ri Posko Angkutan Lebaran ri Bandara Mutiara Sis Aljufri eo Salasa (20/6/2017) riavi eona.
Ia muni mpetevaika modika anggotana ri sakuya titik naria riara ngata Palu hi eva ri Parampata dala, pertigaan, libo rapobalanja ante topo kumpulu-kumplu naroa ante muni sakuya pos-pos pongamanan anu ni persiapkan mamimo. Anu hai ka topo nggavia doyo eva Preman, topangangga motoro, topo bius, begal ante topo parkir vura mpadeiki karcis nelabi dako anu nipaka tantu mamimo alina.
Nipekutanaka ka isu-isu ri todea eva modus topangangga anu nanggeni sanga PLN ante PDAM pura-pura nompaka belo listik ato nompaka belo peuvu nu uve, Christ nangulika, ‘’Geira nju-nju nompatoraka ka BABIN ante SATGAS K5 supaya mompatoraka ka todea anu masala hai” pangulina. **
Reporter: firmansyah
