Ngata Palu,- RESKRIM Polresta Palu riavi eo Araba (7/06/2017) nanggavia haja rekontruksi tindak Pidana kekerasan ka ngana riambe umuru pelakuna Iyan Rivaldi nompatesi Hendra Rusmansyah rid ala Danau Talaga ri ngayo MI Petir Kelurahan Nunu (12/05/2017) jam 17,00 nggovia kajadiana.
Rekonstruksi hai najala kira-kira sngu ja ante 21 adegan nompanggitaka sapulu saksi ri baruga Polresta Palu nijagai belo-belo dako ri kapolisia. Kronologis kajadia pamulana eo jumaa tgl,12 Mei 2017 jam 17,00 ri dala Danau Talaga ato ri waru Mi Petir kelurahan Nunu Palu Barat. I pelaku Iyan Rivaldi nanggita topo motoro nosigande nagasi noliu ringayora, dopa nasae nakava vaimo topo motoro pangane hai moliu vai.
Ipelaku neangga motaha motoro hai nipongarekana”hooii nemo mompegasi” naupu hai spontan nialana vatu nirempekana ka topegande nosangaka Kurniawan, tapi namala nilevana. Kaupuna vatu hai aga nambela bambara Hendra Darmansyah nigande ribengona sampe nipomatekana.
Rekonstruksi hai nikitamuni Kasat Reskrim Polresta Palu AKP.Wilan Harbensyah.SIK. Nipekutana nu wartawan kajadiana hie, niulina kasus hi nagana puramo, damo motonggoraka ra soroka pengadilan.
Belena nipekutana ka kasus topo boba ante mpetiku wartawan nisaikana”waah hi vai mo nipekutanaka, ane belona ka roa-roa wartawan hai ri bagia Humas”. Media hi kaupuna hau ri Humas Polres motomunaka pak,Kadek, panguli roana ri Humas hai I pak. Cahyadi, pak. Kadek izin hau ri tomate. **
Reporter: firmansyah
