KAPALA UPTD pemotongan hewan kota Palu, Wahidin ri avi eo Araba tgl 31 Mei 2017 nompetevaika Media hi ri nomoro hp +62852429xxxx niulina pomboliaka nu dagi japi ringata Palu ka bula nggabuka sampe mabuka(Idul Fitri) naama. Nitevaikana muni dopa naperna nakajadia darurupa pomboliaka dagi nu japai ri Palu hi nakura. Apa kami no karaja sama ante topo japi rangata palu hi(Asosiasi pengusaha Sapi) jadi ka kabutua stok japi natantumo nadea.
Nisinggu masalah ali nudagi Japi ri potomu-potomu eo hi nanau sakide dako ri Rp.110,000 perkilo nipobalu RP.1,5.000 perkilo. I bapak Wahidin nanguli anu nu alina ngga hai dopa natantu. Batuana hai alinu dagi ri potomu beleka manja mompene ato aga manau ngena. Dako ri Pamarenta natantumo alina naNgalaka dako ri Harga Eceran Tertinggi (HET) RP.100.000 perkilona rapobalu riara nu potomu.
Kaili Post hi nompekutana saumpama dagi nu japi ri ngata Palu hi belekana makura ngena riara puasa ato ali nudagi ledo natantu ato mompene nju, I kapala UPTD belo rara hai nangulika ka media hi “ Dako nggauluna sampe eo hi Dopa naperna kami kakuranga pomboliaka japi, niulina muni ane ali nu dagi japi mompene nju kami merapi ka Dagi japi Austrlia ngena”. **
reporter: firmansyah
