Palu,- KEMENAG Kota Palu per tanggala 9 Juni 2017 ato 1438 Hijriyah nosuvuraka pangumuma anu sakuya ra bayari ka zakat fitrah per-balengga riara ngata Palu hie. Ane mombayari ante ose, mbasona 2,5 Kilogram ato 3,5 Liter, ane rabayarika doi mbasona Rp25 ribu/saito. Katantua zakat fitrah hi eva katantu sura Kapala Kantoro Agama Wilayah Prov Sul-Teng Nomor B.3048/KW.22/4/BA.00/06/2017 tanggala 07 Juni 2017.
Nitevaikamuni Bimas Islam Kantoro Agama Ngata Palu Moh Nasir ka Media Kaili Post eo Araba 14 Juni 2017 riara kantorona. Niulina hasele mbasona nilai rupiah zakat nikatantuna ka ngata Palu masimbayu ante panta kalanga ali nu ose ringata Palu hi, ato ali nu ose nijadika katantuana sakuya ngena ra bayari zakat fitrah. Niulina muni ledo nasimbayu mbasona zakat (Doi ato Ose) ngata sangu ante ngata ntanina. Eva ringata Palu ledo nasimbayu mbaso zakatna ante ngata ri Jawa, kaliamnta, Irian jaya bontani-ntanina. Rasosuaika ante kasugi ato kapakasinu ekonomi riara ngata hai.
Nitevaikana muni dopa nanau surat katantua zakat fitrah dako Kemenag Provinsi, “Kami nanau hau ridala nanggita situasi ante ali nu ose ri Sapulu bo Aono(16) goda riara ngata Palu hi, hasele dako hai raulika ka Kemenag Prov pade rajadika acuan sakuya rupiah rabayari ka zakat fitrah ka saito tona ringata Palu hi. **
Reporter: firmansyah
