Ngata Palu,- PORSATUAN Ante kosatauan ngata Ri morupakan ali naggule ledo namala ratavari vai, anu hi nitevaika Gubernur Sulteng Longki Djanggola ni bacaka Bupati Poso DRS.Darmin Agustinus Sillipu riara acara apel ngana muda Sulteng Borsatu eo Araba (9/8/2017) ritinti 09.00 wita ri lapanga Yonif 714 Poso. Nikakavaka Asisten I Sekda Prov Sulteng Arif Latjuba, Kapilres Poso AKBP.Bogiek Sugiyarto, Wadan Kolap Ops Tinombala Kolonel Inf.Satyo Ariyanto, Ketua KNPI Poso Faidul Ketong ante nikakavaka 1.500 ngana muda ri Tana Kaili.
Haja ni gagas Danrem 132 Taduluko Kolonel Inf.Muh Saleh Mustafa hi tujuna ala manggaviaka ka ngana muda ri Sulteng sebage pombela ante pomorsatu bangsa ala masangu pura. Longki mpetevaika acara hi morupakan gambara kabundara tekad ngana muda ri sulteng ala masetia ante NKRI, Pancasila, UUD 45 ante Bhineka Tunggal Ika. Ia Mpahara ala ngana muda mamala mpamulamo mompaka roso barisan motangkisi kamungkina tope anca ri libura mboto, sabana geira punana kanjai bangsa indonesia, ri ngata poso nongaya agama anumo hai mamala rapaka jadika alat ka tona madota mopaka pasa porsatuan ante kosatuan nte cara noadu domba todea rangata.
Ia muni nepokio ka todea ala morambanga mompaka tumbu vai somangat mosi bantu ante toleransi antara topo agama ri Sulteng tarutama ri ngata Poso. Nitambaina muni ala todea pura mompaka botu rante terorisme, radikalisme ante fanatisme niposabaka anu hai mamala mompaka leve karakter ana muda sobagai ponorus tadulako nu ngata. **
REPORTER: FIRMANSYAH
