Sulteng,- RIARA Nomperingati eo pelanggan nasional Perusahaan Listrik Negara (PLN) Sulteng nompaka belo polayanan katodea ringata Palu khususna. Haja hai mpadekei hadia ka polanggan industri bisnis ante kageira ekonomi monongah kebawah Senin (4/9/2017) tinti 9.30 wita ri kantoro Rayon Kamonji dala Munif Rahman Silae Palu.
Anu hie nitevaika Kapala PLN Area Palu Emir Muhaimin tempona nikakavaka wartawan ri acara hai. Niulina riara rangka porayaan kami mpadekei hadia ledo aga ka polanggan industri tapi muni geira nambela ekonomi monongah kebawah. Geira radekei komporo induksi. Haja hie nikavia pura-purana sangu indonesia.
Riara kostabilan poindo, anu najadi musu todea ka PLN, niulina domo ria napaya poindo namosu hi, walaupun pimboliaka batu bara ri PLTU ledo natantu tapi kami nangala cadangan listrik dako ri Sulewana kira-kira 80 Mega Watt dako ri porsediaan 195 Mega Watt. Nikaika ante Waiting List atau daftar netonggoraka ka geira mompataka metere listrik, niulina domo nadea kira-kira damo Ruapulu dopa nipataka. Eo hi ante ringayona saena motonggoraka rapataka aga Saminggu dako podaftarana. Ane mpatambai jaringan menengah nelabi nakura 100 eo saena. Motambai gardu ato mompataka baruna Pata Pulu eo pade majadi.
Nitambaina muni rimpae hi nariamo Papitu desa nisuarakamo ka listrik ri Kec. Riopakava Kabn Donggala, danariapa Papitu vai desa rasuaraka, “Program PLN 2018 listrik Soratus porsen mesua puramu ri ngata-ngata kodi, anu hi mokorjasama pura ante todea, pamarenta ala malancara hajana,” pangulina. **
Reporter: Firmansyah
