PALU,- RINGATA Palu tempona hie, nadeamo topo parkir liar ante mpaboliaka motorona ri sambara libo. Tarutama ntoto ri libo nu Festival Palu Nomoni Pantai talise Palu. Eva nakajadia ri eo sabtu (23/9/2017) tinti 17.30 wita. Riumbana Dishub Palu ri nggoviana noanggataka Randua motoro ri Kampung Kaili niposabaka ledo nolinja Roda Randuara dako ri area hai.
Riara paratura Pamarenta, dako ri bivi Tasi libo nu FPN ndatena KIra-kira Papitu kilometer nagali dako ri kondaraan Randua ban, ato Ampa bana. Anu hie sangaja nikavia ala tona nakava ri haja mojagai koamana ante katartiban ri lokasi hai, anu hie mamala manggavia libo magali metekita. Anu hi nipetevaika muni ka Kadishub Kota Palu Setyo Susanto ka Kaili Post ri tempona kajadia hai. Setyo nagulika ri radius bivi tasi Kampung Nelayan, sampe ri tassina ledo mamala moparkir kondaraan. Ala masintuvu rakita tona makava ri FPN.
Nitambaina muni, ri tinti 17.00 wita pura-purana kondaraan ri libo Kampung Kaili malai puramo, “ Kami nometevaikamo ka geira ala molinja motorora nompake ro suara. Ane niulika dopa ria topa ngala , torpaksa ra anggataka kami motorora, ala ngena ri patung kuda motoro miu pura” niulina. Ka urussa topo parkir liar naria ri ri libo nu FPN mpadekei ali dako ri Rp. 5000 ampe Rp.10000, Setyo nangulika Walikota mpetevaika ongkosi parker deana aga Rp. 2000 ka motoro, ane oto Rp. 3000.
Dako ri Kelurahan nariamo tona nitudura mpaurusi parker ri FPN, geira muni nidekeika id card, “ ka topo parkere liar mpadekei ongkossina ledo dako mpetevaika Pak Wali, Polisi mourussina hai” petevaikana.**
Reporter: Firmansyah
