PALU,- ANGGOTA Komisi B Dekot, Jovi Alvi Kakung nangulika inda dako ri Pajak Bumi ante Bangunan daerah deana 35 Miliyar. Anu hai dako ri mpae 2011 sampe 2016. Kareba hi niulikana ka Kaili Post Salasa (17/10/2017) tinti 12.00 wita ri ruangana.
Niuli Pepi, sanga kodina, anu hie nikava dako posintomu Komisi B ante Dispenda sakuya eo naliu, dekot nangulika ala rasingara vai urusa hai, ala mompaka kodi inda ri ngata Palu. Niulina muni inda pura hai anu nikeni dako ri 2011 naliu, anu hai nikava dako porkombangan naraca daerah. Niuli Dispenda anu hai, dako ringgaulunapa nariamo, pade nidekeika kageira. Inda nu PBB nalanga ntoto dako anu ntanina. Ri 2018 maria ngena targer nompaka mpene pajak daerah.
Nitambaina vai, maria muni mompataka alat elektronik ka 20 wajib pajak ka contoh, mpae ringayona ratambai vai 50 deana. Gunana ala mpacek naria nompene panggava pajak daerah ” Niulika kami ka geira ala rasingara nju geira dopa nobayari, tarutama PBB, ala makura sakide inda nu daerah ” petevaikana.**
Reporter: Firmansyah
